نصائـــــــــــح منزليـــــــــــة
اليكم بعض النصائح البسيطة و الهامة لكل منزل :
1- لما تكوني هتعملي بوفتيك او فراخ بانيه افردي كيس بلاستك وحطى عليه التتبيلات و البقسماط و تبلي عليه و بعدين لما تخلصي لفي الكيس ولميه و ارميه على طول و بكدة هتوفري غسيل اطباق كمان انتي كده بتحمى حوضك من السدد بسبب البقسماط اللي بينزل في الحوض اثناء الغسيل
2- لو وقع منك زيت على ارضية المطبخ او اي ارضية متجريش تجيبى فوطة وتمسحيه لا ادلقي عليه ملح وسبيه كام دقيقة كده وبعدين اكنسية بالمكنسة والجاروف واتفاجئي بالسحر ولا اكن في حاجة وقعت منك خالص
3- حتة فحم بس حطىها في طبق صغير و حطي الطبق في اى مكان بتطلع منه روائح كريهة او غير مستحبة زى الجزامات والتلاجات والفريزر او اي مكان و اى ضلفة مطبخ او خزين هتسحب منك كل الروائح تماما
4- لما يقع منك بيض ني طبعا على الارض او على اي تربيزة في البيت بيض اوعى ما تمسحيوشه باي فوطة لا امسحيه بمنديل كلينكس وارميه على طول اكيد لان فوطتك هتبقى ريحتها وحشة اوى لو مسحتى بيها بيض حتى بعد الغسيل و كمان الكلام ينطبق علي اللبن
5- اياكي تمسحيش رخامات المطبخ بالكلور لكن امسحيها بالخل بينهي علي الجراثيم و كمان هو مادة طبيعية
6- لو عندك اي حاجة نحاس هاتي نص ليمونة وادعكيها كويس هتلاقيها هترجع جديدة زي الاول
7- لو عندك مكواه بخار و حسيتي انها تعبت شوية حطى بس في خزان المياة بتاعتها خل و سخنيها و سبيها ربع ساعة في الفيشة على اعلى درجة و بعدين دوسي على دافع البخار لحد ما يتبخر كل الخل حتلاقي طلع حاجات دى رواسب الماء كدة زى الطين و ده بيظهر لما بيغلي ويتبخر و ياريت تكررى الطريقة مع مايه عادية كام مرة لشطف خزان الماء و بفوطة مبللة شيلي الرواسب اللي خرجت حتلاقيها رجعت زي الاول جديدة خالص
8- عيون البوتجاز الاستانلس عاوزاها تبرق كل اللي عليكي بس انك تنقعيها مع قشر ليمون ومياة سخنة في طبق و بعدين استخدمي صابونة وجه لوكس او كامى او اى حاجة حلوة كده و حطى منها حته على ليفه وادعكى حترجع لكي زي الاول جديدة خالص.
9- لبسي سلة المهملات اللي في الغرف كام كيس فوق بعض بحيث لما يتملي واحد تشليه و تلاقي التاني مكانه وبكدة احنا هنوفر وقت كبير في تغيير الكيس كل يوم
10- دايما خلى عندك فرشة بايد وهاتى علبة شامبو فاضيه او شاور جل وحطى فيها كلوركس كلين او سائل تنظيف وانتى بتغسلي وشك في الصبح حطى شوية سائل و ادعكى الحوض في اقل من دقيقة هيببقى زى الفل و الياسمين
11- عشان تخلصي من مهمة يومية من غير ما تخادي بالك اول ماتصحى الصبح وانتى لسه بتلبسي شبشبك عدلي ملاية السرير والمخدات
12- روقى درفة واحدة في المطبخ تكون عاوزة تتروق وانتى واقفه تعملى الشاى ولا النسكافيه على ما الماية تغلي
لو شايفاها نصايح مفيدة اعملى شير عشان الكل يستفيد
تحويل كود إخفاء محول الأكواد الإبتسامات إخفاء